#АшальчиОки
Сегодня исполняется 125 лет со дня рождения удмуртской поэтессы, родоначальницы женской поэзии и прозы, врача-окулиста и военного хирурга Ашальчи Оки - Акилины Григорьевны Векшиной (04.04.1898 - 31.10.1973). Начатое ею дело в поэзии подхватили много её последователей, и сегодня удмуртская женская лирика звучит журчащим родником и песнями тюрагая.
А я предлагаю стихи моей мамы, Любови Ильиничны Кибардиной, написанные в 80-е годы прошлого столетия. Кому как, но мне они очень нравятся, и сердцу моему они очень дороги.
Туннэ Ашальчи Окилэн вордӥськем нуналэз.
Макем данъяськымон нылкышно: син эмъясь, нырысетӥ нылкышно-кылбурчи, военврач, удмурт калыкез зэмос югдытӥсь!
Кылбуран удысын лёгем сюресэтӥз трос нылкышноос вамыштӥзы, чебер кылбуръёс но кырӟанъёс кылдытӥзы.
Нош мон дэмласько нэнэелэсь, Любовь Ильинична Кибардиналэсь, кылбуръёссэ. Гожтӥз со соосты 1980-тӥ аръёсы.
Любовь Кибардина
***
Чебер шулдыр нуналын
Мынӥ паськыт возь вылэ.
Ӵуж-ӵуж сылӥсь сяськалэн
Зыныз вӧлмем эль вылэ.
Со сяськаез малпаса,
Туж жаль йӧтӥз тӧлӟемез.
Пинал дырме малпаса,
Туж жаль потӥз ортчемез.
***
Турнаку возь вылын
Жингыртэ кусоед.
Араку бусыын
Куаш! вазе сюрлоед.
Инбамын туж вылын
Тюрагай чирдылэ,
Чирдылэ,
Шулдыресь гуръёссэ кисьтылэ.
Ортчылэм аръёсыз
Мур тодам ваисько.
Улонлэн секытэз
Сюлэмам кыльыло.
Весь тодам ваисько
Возь вылэз турнамме,
Возь вылысь сяська кадь
Ортчылэм даурме.
***
Та югыт дуннеын
Кык чебересь сяськаос:
Огез пинал дауре,
Огез – яратон туганэ.
***
Ой, уг луы кошкись вуэз
Марӟанэн дугдытыны.
Уг луы ортчем дырез
Пиналлы берыктыны.
Тӧл но медаз тӧла вал но,
Улвай но медаз чигы вал.
Яратонэ тон мынам,
Ноку эн вунэты вал.
Мед луысал мынам но
Чебер сяська луэме.
Мед луысал мынам но
Яратэмдэ тодэме.
Кыӵе секыт пароходлы
Вулы валлань тубыны.
Кыӵе секыт пинал муртлы
Туганэзлэсь мӧзмыны.
Секыт тӧл но секыт зор
Уз, уз чигы улваез.
Секыт кыл но урод мурт
Уз, уз люкы кусыпмес.
***
Ой, секыт вал, туж секыт вал
Зор-кот улэ потыны.
Ой, секыт вал, туж секыт вал
Сьӧд нюлэсэз кораны.
Ӧм кышкалэ ми, ужамы,
Сьӧд нюлэсэз корамы.
Сьӧд нюлэсэз корамы но,
Нормамес быдэстӥмы.
Ортчиз пинал даурмы
Сизьымо кут нулдыса.
Шудон-серектон вакытмы
Ортчиз нюлэс кораса.
Сыӵе секыт аръёс вуиз
Милям пинал нылдырмылы,
Сыӵе секыт аръёс лыктӥз
Милям пинал йырамы!
Али дыре пиналъёсмы
Будо пушйись сяська кадь.
Мед мынозы мусоосмы
Азьлань паськыт сюрестӥ.
Ӵукна ӝужась шунды выллем,
Будо соос, чебересь, мусоесь.
Солэн яркыт шуныт сиосыз сямен,
Мед луозы яркытэсь!
***
Сюресъёс, сюресъёс,
Кыдёке нуиськоды.
Сюлэмысь малпанъёс,
Кыдёке лобӟиськоды.
Тынэсьтыд, мусо ныл,
Веськрес мугордэ
Учкылӥ ас поннам,
Ӟыгыртӥ сюлэм бордам.
Шат ӧз вутты тюрагай
Мынэсьтым иворме?
Шат ӧз тоды нылмурт
Мынэсьтым сюлэмме?
Сюресъёс, сюресъёс,
Кыдёке нуиды,
Сюлэмысь малпанъёс,
Кемалы кылиды.
Ӧрӟиос лобӟизы кыдёке,
Уд берыкты ни соосты.
Ӧд возьмалэ тӥ, нылъёс,
Солдатысь бертӥсь пиосты!