#БУД
БУД - Бадӟым Удмурт Диктант
Гажано эшъёсы, ваньзэ, кинлэн аслэсьтыз шонер гожъяськыны быгатэмзэ эскеремез потэ, шумпотыса витиськомы 1 оштолэзе (1 апреле) УдГУ-лэн Можга карысь филиалаз огазе кариськыса диктант гожтыны! Кутсконэз 13.00 часын.
Таяз арын ми кузьымъёс дасямы:
- самой егит гожъясьлы,
- самой арлыдоезлы гожъясьлы,
- котькуд аре диктант гожтонэ пыриськисьёслы,
- диктант гожтыны котькинлэсь вазь лыктэм муртлы,
- та пост улэ БУД сярысь тужгес но тунсыко слоган гожтӥсьлы.
Нош татчы Галина Образцовалэсь кылем арын дасям валэктонзэ интыясько, тодады вайытон понна.
Озьыен, гажано эшъёсы, чидатэк витисько лыктэмдэс!
Галина Образцова
Бадӟым Удмурт Диктант (БУД).
Эшъёсы-гажанъёсы, нош ик тодамы вайиськомы шонер гожъяськон правилоосты. Нимысьтыз пусъеме потэ таӵе учыръёсты:
1. Существительнойын, глаголын кылӥськоды ке ЙИ слог, озьы ик гожтоно: лаЙИ, ваЙИ, уЙИн, бырЙИ, пусЙИ, малы ке шуоно огназ И одӥг куараез гинэ возьматэ - И.
2. Нош Я,Ю,Е,Ё букваос кык куара сёто, соин ик гожтоно - бырЪЕ (бырЙЭ - янгыш), дырЪЯ (дырЙА-янгыш), Югдон ( ЙУгдон -янгыш луоз).
3. Эн вунэтэ, одӥг кылын артэ кык Ц но Ч уг гожтӥсько: кыТЧы (кыЧЧы но кыЦЦы - янгыш). Нош ПИЦЦА - со удмурт кыл ӧвӧл.
4. АЙ частица кылъёсын нимаз гожтӥське: берто ай, учко ай. Нош -А, -О, -КО, - ТЭ - вакчи гожен: кытысь-О? гуртэ-А бертӥськод? ветлы-КО, ӧз-ТЭ усьы?
5. Нимысьтыз вераме потэ: ЭВЭЛ кыл ӦВӦЛ! озьы ик ӧвӧл ТЭДИ но СЕД - гожтоно ТӦДЬЫ но СЬӦД.
